شوية نكت يارب تعجبكم ..
مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضححححك...
الحرامى قتل مراته وقاله هات الفلوس قبل ماقتل ابنك الرجل قعد يضححححك....
الحرامى قتل ابنه و هكذا لغايه لما خلص عالعيله
فاخر ما زهق قال للمسطول ايه يا عم مش عايز تدينى فلوسك ليه؟؟؟؟
قاله اطلع من دول يا ابرهيم يا نصر ..
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب أنا سكران حفوق بكرة .. وانتي ؟؟
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حافرج عنك؟
قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
واحد بيسأل خطيبته : حد قبلي لمس يدك ؟ سكتت قالها : زعلتي
قالت : لا بس بأعدهم
مرة اربع صعايدة داخلين امتحان
فجلهم سؤال فى الامتحان وهو كام عدد ارجل المعزة ؟؟
فكلهم سألو صاحبهم حسنين وما كنش بيرد عليهم
فالما خلص الامتحان .. قالولوا : انتا ما قولتيلناش لية ؟؟
قالهم المراقب كان جنبى ومعرفتيش اطلع المعزة
مرة واحد قهوجى اشترى تاكسى طلع الكراسى برة
مرة البوليس كبس على ناس بيشموا ومعاهم ولد صغير
فالظابط بيقولة : ويا ترى الشمام الصغير اسمة اية؟؟؟ قالة : كنتالوب
صعيدي ربح مليون خافوا يبلغوه بالخبر يموت مصدوم ..
قال العمده أنا أقوله .. فقام راح قايله يامحمدين لو ربحت مليون حتعمل بيهم إيه؟
قال : أديك نصهم .. مات العمدة!
محشش قال لاخوه : ياخي فيه حاجة واحدة مجنناني ومش قادر أفهمها ؟
قال اخوه : اية ؟
قال المحشش: الحمار الوحشي ابيض ومخطط بأسود والا أسود ومخطط بأبيض !! ؟؟
محشش يسأل واحد: اتولدت فين ؟
قاله : بالمستشفى
قال المحشش: ليه سلامات كنت تعبان ؟؟
في واحد محشش قاعد يخبط راسه فى عامود النور لحد ما دماغة اتفحتحت ونزلت دم
فواحد محشش معدى علية فسقالة بتعمل اية ؟؟
قاله : عمال اخبط على الباب ومافيش حد بيرد عليا .. ليه ؟
فقاله الثاني : غريبه !!! مع أن النور مولع !
محشش اتصل بخطوط بانكوك قال كم تستغرق رحله القاهرة قاله : لحظه.. قال : شكرا.
واحد فات على غرفة كلها حشاشين قال حرام عليكم قالولو وعليكم الحرام .
مرة واحد صعيدى راح امريكا لقى مغسلة كبيرة بالكومبيوتر بتغسل بنتلون بتقول بنتلون 20دولار عجبتة الفكرة ..
قلع الكلسون وحطه فى المغسلة .. المغسلة كتبت خيمة بحبلها 2000دولار
غبي راح عمل سشوار عند الحلاق .. و قاله : عندي فرح بعد اسبوع وعايز شعري يفضل حلو كده ..
الحلاق قاله ماشي بس بشرط ابعد عن الميه خالص .. رجع الغبي بعد 3 ايام بيقول للحلاق ...... عطشـــاااااااان
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟ قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة بالشبشب
قالها : وده ماله ؟؟ قالتله : أصل ده اللي اتجوزها
واحد غبى .. حط أيدة فى علبة فيها مية نار حس بأن واحد من صوابعة أختفى ... حط راسة فى العلبة علشان يدور علية
مره واحد صعيدى بيقول لصاحبه نتقابل يوم الاتنين ان كان لينا عمر
فقاله وان مكانش لينا عمر
قاله خلاص نتقابل يوم التلات
طلع مجموعة صيادين يصطادوا وكل ما يصطادوا فريسة كلابهم تجري تجيب الفريسه
ما عدا كلب واحد بيخاف من صوت الرصاص
فقالوا لصاحبو خده الافراح اللي بيحصل فيها ضرب نار كتير عشان يتعود على الرصاص
وبعد ما اخده معاه الافراح دى لمدة 6 شهور
رجع يصطاد وخدة معاه فول ما اصطاد الفريسه الكلب اعد يزغرط
لغز:: شىء له جناحين وما يطير ، له عينين ومايشوف ، له رجلين وما يمشى..ياترى ايه هو؟؟ عصفور ميت
بياع جرايد ماشي ف جنازة أبوه عمال يقول "اقرا الفاتحة اقرا الفاتحة
مسطول صدم شرطي وموته راح متصل بــ 122
وقالهم : أحب أبلغكم إنكم من 10 دقايق بقيتوا 121
بدوي في الحج دخل حمام حريم.. صرخوا عليه!! قالهم اشفيكم، حاج عن أمي
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى
مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم
صعيدي قالوله بكره عيد الحب قال : يوووه ايه الورطة دى! وده صلاته ازي
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله مميزات الحمام فقال:
ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز ضربه..
بلدياتنا: إحنا (بنفكر) ولسه مكملش ،،،،،،،،،،راح الجهاز ضربه
واحد بلديتنا كسب 60 مليون دولار إشترى رونالدو
كان في واحد شكله وحش قوي قوي قوي عايز يتجوزفراح واتقدم لواحده
فبيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله دى تكون خلقه ربنا
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية
فسموه جحش....فراح لمراته فرحان بيقول لها مش الناس خلاص سموني جحش ..
قالت له وهي غضبانة.....اتنيل ما انت بكره تكبر وتبقي حمار تاني
محشش .... سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة
واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه
مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب
هاا اية الاخبار ؟؟
بيتهيالى فيهم حاجات حلوة وجديدة .. ولا انتوا رايكوا اية ؟؟
مستنى اعرف رايكم وياريت اعرف اكتر نكتة عجبت كل واحد فيكم ..
ها اية الاخبار دلوقتى ؟؟ ضحكتوا ولا ضحكتوا ؟؟
لا بقى انا كدة عملت اللى عليا انتوا احرار
على الله حد يدخل يشوف التوبيك وما يردش ..
وما تنسوش احنا فى شهر امتحانات والدعاء فيها مستجاب ..
يلاا مستنى اشوف الردود وياريت بصراحة ومن غير مجمالات ..
_________________
